Жаңалықтар

Жаңа жылдағы Қазақстанымыздың әл-ауқаты мен тұрақтылық тілеймін.
Өткен 2022 жыл Қазақстан үшін маңызды жыл болды, өйткені біздің еліміз соңғы онжылдықта бұрын-соңды болмаған экономикалық қиындықтарды лайықты қарсы алып, сыртқы сын-тегеуріндерді еңсерді. Бірақ саяси және экономикалық қиындықтарға қарамастан, Үкімет бағаның өсуіне байланысты жағдайды бақылауға алып, бірқатар әлеуметтік-экономикалық міндеттерді шеше алды деп санаймын.
Өткен жылдың айтулы оқиғасы 2022 жылғы қарашада өткен Ел Президентінің сайлауы болды, онда халықтың көпшілігі өз дауыстарын қазіргі президент Қасым-Жомарт Тоқаевқа беріп, таңдау жасады. Осымен Қазақстан халқы алдағы жеті жылда еліміздің болашағына деген үмітін кімнің есімімен байланыстыратынын көрсетті.
Ел Президенті қоғамымыз үшін тарихи маңызды жаңа саяси реформаларды ұсынды. Жаңа Қазақстан-менің ойымша, еліміздің болашағын дамыту стратегиясы. "Жаңа Қазақстанда" мен таяу болашақта жалпыадамзаттық құндылықтардың жаңаруын, экономикалық дамыған, демократиялық қағидаттарға негізделген, мықты парламенті бар қоғамды көремін. Біз, ғалымдар, жоғары оқу орындарының қызметкерлері үшін қойылған міндеттерді іске асыруға негізгі үлес студент жастарды сапалы білім алуға негізделген жаңа қағидаттарға оқыту және тәрбиелеу болады. Оқыту мен тәрбиелеу үдерістеріне жаңа көзқарастармен біздің жас мамандар еңбек нарығында бәсекеге қабілетті жоғары дағдылармен, сапалы білім деңгейімен ерекшеленетін болады. Тек осылай ғана біз бәсекеге қабілетті өнім шығаруға және жаңа жұмыс орындарын құруға қабілетті ғылымды қажет ететін жаңа өндірістер құра аламыз. Сонымен қатар, біз жаңа Қазақстанды құру қысқа мерзімде мүмкін емес екенін түсінеміз. Бұл әлеуметтік трансформацияның өте күрделі және ұзақ процесі.

Надиров Казим Садықұлы, М. Әуезов атындағы ОҚУ, "Мұнай-газ ісі" кафедрасының профессоры, ҚР Мемлекеттік сыйлығының лауреаты