Жаңалықтар

2024 жыл 12 желтоқсан күні М.Әуезов атындағы ОҚУ «Кәсіптік бағдар беру орталығы» және «Механика және мұнайгаз ісі» факультетінің ұйымдастыруымен Сарыағаш ауданы жалпы орта мектептері бітіруші түлектері үшін онлайн тәртібінде кәсіби бағдар беру іс шарасы өткізілді.

Іс-шараға қатысқан кәсіби бағдар беру орталығының басшысы Т.Заурбаев ұлттық біріңғай тестілеуге өтінім беру, ҰБТ ұйымдастырылуы, таңдау пәндерінің комбинациялары, шектік балдар, шығармашылық емтихандарды ұйымдастыру, мемлекеттік білім беру гранттары конкурсына өтінім беру, жергілікті білім гранттарына өтінім беру, білім беру гранттары конкурсына қатысу кезіндегі жеңілдіктер жайлы бітіруші түлектерге толық ақпарат берді.

«Механика және мұнайгаз ісі» факультетінің деканы Р.Рысдәулетов пен кафедра меңгерушілері факультеттің білім беру бағдарламалары, профессор-оқытушы құрамы, материалдық-техникалық базасы, білім беру бағдарламалары бойынша дайындалатын мамандардың жұмыс жасау салалары, қажетті құзыреттіліктер жайлы жан-жақты ақпарат беріп, бітіруші түлектерді білім беру бағдарламаларына оқуға түсуге шақырды.

Іс-шара барысында бітіруші түлектер өздерін қызықтыратын сұрақтарға жан-жақты жауап алды.