Жаңалықтар

Беларусь мемлекеттік технологиялық университетімен ынтымақтастық аясында "Технологиялық машиналар және жабдықтар" кафедрасы студенттер, магистранттар және докторанттар үшін дәрістер циклін ұйымдастырды. Бұл дәрістерді шақырылған профессор, техника ғылымдарының докторы Александр Эдуардович Левданский өткізуде. Дәрістер полимер материалдарын кәдеге жарату, қалдықтарды қайта өңдеу, сондай-ақ классификация мен рециклинг технологияларын жетілдіру саласындағы заманауи ғылыми және практикалық мәселелердің кең ауқымын қамтиды.

Дәрістер циклі 2024 жылдың 3 желтоқсанында басталды және келесі тақырыптарды қамтиды:

1. Полимер материалдарын кәдеге жарату мәселелері, экологиялық аспектілер және халықаралық заңнама.
2. Материалдарды бөлу әдістері мен жабдықтары, оның ішінде механикалық классификация, гравитациялық және динамикалық классификаторлар.
3. Полимерлік және композициялық материалдарды рециклинг: механикалық, термиялық, химиялық және биологиялық тәсілдер.
4. Қалдықтарды ұсақтау және араластыру технологиялары, қайталама полимерлерді модификациялау мен грануляциялаудың инновациялық әдістері.
5. Пиролиз, газдандыру және өздігінен ыдырайтын материалдарды қолданатын қоқыс алаңдарын ұйымдастыру сияқты перспективалы қайта өңдеу технологиялары.

Арнайы назар шыны талшықпен нығайтылған материалдарды селективті ұсақтау және беттік-белсенді заттарды қолдана отырып пластикалық қалдықтарды флотациялық бөлу саласындағы соңғы жетістіктерге аударылды.

2024 жылдың желтоқсан айы бойы өткізілетін дәрістер тек студенттер мен магистранттарды ғана емес, сонымен қатар рециклинг пен қалдықтарды өңдеудің заманауи тәсілдері бойынша білімдерін тереңдетуге қызығушылық танытқан оқытушыларды да қызықтыруда.

"Технологиялық машиналар және жабдықтар" кафедрасы профессор Левданскийге білім беру процесін дамытуға қосқан үлесі үшін алғысын білдіреді және барлық ниет білдірушілерді алдағы іс-шараларға қатысуға шақырады.