Факультет туралы

Факультет 2002 жылы М. Әуезов атындағы Оңтүстік Қазақстан мемлекеттік университет құрамындағы «Мұнай мен газды өндіру және өңдеу» факультеті болып құрылды. 2006 жылдың тамыз айынан, «Мұнай мен газды өндіру және өңдеу» факультеті.  М. Әуезов атындағы университет құрамындағы мұнай және газ институт болып қайта құрылды. Институт құрамында 5 кафедра болды. 2009 жылы тамыз айынан бастап мұнай және газ институты мен техникалық институт базасында «Құрылыс,машина жасау және көлік факультететі» болып біріктірілді. 2011 жылдың наурыз айынан 19-шы жұлдызынан білім беру сапасын жақсарту мен мамандарды дайындаудың тиімділігін арттыру мақсатында «Құрылыс,машина жасау және көлік» факультететі «Құрылыс және көлік» және «Механика және мұнайгаз ісі» факультеттері болып екіге бөлінді. Факультет құрамында 5 кафедра бар.

1. Механика және машинажасау кафедрасы;

2. Мұнайгаз ісі кафедрасы;

3. Технологиялық машиналар және жабдықтар кафедрасы;

4. Стандарттау және сертификаттау  кафедрасы

5. Техникалық мамандықтар үшін жоғары математика және физика кафедрасы.

Факультеттің миссиясы-заманауи нарық талаптарына және халықаралық стандарттарға жауап беретін машина жасау және мұнай-газ индустриясындағы жоғары технологиялық және ғылымды қажетсінетін өндірістер үшін кадрлар даярлау болып табылады. Заманауи білім беру технологияларын енгізу және факультеттің профессорлық-оқытушылық құрамының оқу-әдістемелік қызметін үнемі жетілдіру негізінде тұтынушылардың талаптарына жауап беретін машина жасау және мұнай-газ мамандықтары бойынша жоғары білікті мамандарды, бакалаврлар мен магистранттарды даярлау сапасын арттыру. Факультет түлектерінің білім беру қызметтерінің жаһандық нарығында және Қазақстан Республикасының кадр нарығында бәсекеге қабілеттілігін қамтамасыз ету. Білім, ғылым және өндірісті интеграциялау мақсатында факультеттің профессорлық-оқытушылық құрамының ғылыми-зерттеу қызметінің өсуін қамтамасыз ету. Машина жасау және мұнай-газ саласы бойынша мамандарды даярлау сапасын арттыруға бағытталған бірлескен қызметті жүргізу мақсатында Батыстың жетекші университеттерімен өзара тиімді ынтымақтастық орнату жолымен әлемдік білім беру процесіне ықпалдасу. Өндірістік тәжірибені ұйымдастыру және кейіннен жұмысқа орналастыру мақсатында жұмыс беруші кәсіпорындармен байланысты кеңейту. Іргелі техникалық білімді жоғары адамгершілікпен, руханилықпен және патриотизммен үйлестіретін мамандар даярлауды жүзеге асыру.

Қазiргi таңда факультеттің 5 кафедрасында  оқытушылар құрамының жалпы саны 108 болса,  олардың iшiнде 15 ғылым докторлары, профессорлар, 39 ғылым кандидаттары мен  доценттері бар. Олардың ішінде ҚР білім және ғылым саласындағы мемлекеттік сыйлығының  иегері т.ғ.д., профессор Надиров К.С., ҚР инженерлік академиясының академигі, т.ғ.д., профессор Айнабеков А.И. және ҚР «Шарыктау» фондының премия иегері, т.ғ.к., доцент Жантасов М.К. қызмет атқарып келеді.

Механика және мұнай-газ ісі факультеті бакалавриаттың 12 білім беру бағдарламасы, магистратураның 8 білім беру бағдарламасы және PhD докторантураның 2 білім беру бағдарламасы бойынша мамандар дайындайды.

Бакалавриат

1. 6В07120 - Машинажасау
2. 6В07121 - Машинажасау технологиясы
3. 6В07122 - Құю өндірісі және металдарды қысыммен өңдеу
4. 6В07180- Технологиялық машиналар және жабдықтар (салалар бойынша)
5. 6В07181 - Мұнай және газ өнеркәсібінің машиналары мен жабдықтары
6. 6В07182 - Тамақ өндірісінің машиналары мен аппараттары
7. 6B07210 - Мұнайгаз ісі
8. 6B07211 - Мұнайгаз ісі
9. 6B07215 - Мұнай және газ өндіру объектілерін пайдалану және оларға қызмет көрсету
10. 6B07216 -  Газ-мұнай құбырларын және газ-мұнай қоймаларын пайдалану
11. 6В07510 - Стандарттау және сертификаттау (салалар бойынша)
12. 6В07513 - Метрология

Магистратура

1. 7M07120 – Машинажасау
2. 7M07123 - Машинажасаудағы 3D-модельдеу
3. 7M07180 - Технологиялық машиналар және жабдықтар (салалар бойынша)
4. 7M07183 - Мұнай-газ кешені кәсіпорындарының технологиялық машиналары мен жабдықтары
5. 7М07210 – Мұнайгаз ісі
6. 7М07212 – Мұнай және газ кен орындарын игеру және пайдалану кезінде басқару
7. 7M07510 - Стандарттау және сертификаттау (салалар бойынша)
8. 7M07513 - Метрология

Докторантура

1. 8D07210 - Мұнайгаз инжинирингі
2. 8D07180 - Технологиялық машиналар және жабдықтар (салалар бойынша)

Жыл сайын факультет студенттерінің оқытудың барлық түрлері бойынша контингенті өсуде. Олардың барлығы оқу-әдістемелік әдебиеттер қорымен, компьютерлік сыныптармен және бағдарламалық қамтамасыз етумен, жеткілікті аудиториялық қормен қамтамасыз етілген. Студенттердің қарамағында спорт залдары, стадиондар мен жүзу бассейндері бар.
Факультетіміздің студент жастарының алдыңғы қатарлы топтары үшін оқу жоспарының бірқатар пәндерін ағылшын тілінде оқытатын топтар ашылды. Сабақты жақсы тілдік базасы бар, арнайы тілдік курстарда, сондай-ақ университеттің Лингвистикалық орталығында оқудан өткен оқытушылар жүргізеді.
Факультетте әр түрлі бағыттағы тұрақты шығармашылық ұжымдар жұмыс істейді: хореографиялық ансамбльдер, КТК ("Балдырған" және "В корпусы" командалары университетте ең мықты болып табылады және облыс пен республикада барған сайын үлкен танымалдылыққа ие болады).
Факультет студенттері "Ақиқат"дебат клубының мүшелері болып табылады. Бізде 3 ғылыми үйірме жұмыс істейді. Ал факультеттің спорт командасы көптеген студенттік спартакиадалардың бірнеше дүркін жеңімпазы болып табылады.
Қазіргі уақытта факультетте 1060-қа жуық студент оқиды.
Механика және мұнай-газ ісі факультетінің студенттері университеттегі ең тату ұжымдардың бірі болып табылады деп асыра айтпай-ақ айтуға болады.

М.Әуезов атындағы ОҚУ-нің студенттер арасында өткен «Зияткер» интеллектуалды ойыны мәресіне жетіп, жеңімпаздар анықталды. Факультетаралық танымдық сайысқа 15 команда қатысып, өз білімдерін көрсетті. Екі күндік білім сайысы тартысты да, қызықты өтті.

Танымдық сайысты өткізудегі басты мақсат – жастардың шығармашылық қабілетін дамыту, бос уақыттарын мазмұнды өткізу, дарынды студенттерге қолдау жасау, тұлғалық қарым-қатынас дағдыларын қалыптастыру.

Қорытынды есепте, «Механика және мұнай-газ ісі» факультетінің «ММГ» командасы 1 орын алып, өздерінің үздік екенін дәлелдеді, 2 орын «Филология» факультетінің «Кербез» командасына бұйырды. Үшінші орынға «Заң» факультетінің «Фемида» командасы лайық деп танылды. «Кербез» командасынан Жасмин Кемелхан «Үздік капитан», «Фемидадан» Эмиль Сейдахметов «Үздік ойыншы» атанды.

Жеңімпаздар мен қатысушыларға Алғыс хат және сертификат табысталды. «ММГ» командасы алдағы жылы өтетін өңірлік сайысқа жолдама алды.

Бакалавриат және магистратура бағдарламалары бойынша студенттерді сапалы оқыту үшін факультетте мамандандырылған зертханалар жұмыс істейді:" Имитациялық Тренажер: АМТ-41 ұңғымаларын күрделі жөндеу"," машина жасау технологиясы зертханасы"," машиналар және жабдықтар технологиясы зертханасы " және компьютерлік сыныптар. "Ғылым арқылы" оқыту мамандарды даярлауда маңызды фактор болып табылады. Факультетте машина жасау және мұнай-газ ісінің перспективалық бағыттары бойынша ғылыми орталықтар, СҒҚ, ҰҚК дамып, жұмыс істейді.